الرئيسيةالتسجيلدخول
أهلاً و سهلاً بِكل عُشاق و جمهور السندريلا كَنزة مُرسلي .. نعلمكم أنه سيتم فتح أبواب الترشح للإشراف قريباً جداً ..

شاطر | 
 

  نكتة جزائرية تموت من الضحك ... ها ها ها ها ها ها...........

اذهب الى الأسفل 
كاتب الموضوعرسالة
lobna_2010
v i p
v i p
avatar

||¬ مَشَآآرَكَآتي»• : 91
||¬ تَآآريخ التَسْجِيل»• : 15/07/2010

مُساهمةموضوع: نكتة جزائرية تموت من الضحك ... ها ها ها ها ها ها...........   الأحد أغسطس 01, 2010 2:17 am





السلام عليكم

هذه 15 نكتة جزائرية تضحك لي ميعرفش يضحك هههههه .......

. واحد يسكن في القرية دا الباك وباه يروح للجامعة خاف يضحكو عليه قالتلو أمو روح برك النهار اللول يضحكو عليك والنهار الثاني يضحكو عليك والنهار الثالث توالف وتروحلك العقدة قالها: مالا حتى النهار الثالث ونروح

2. كان واحد ماشي في سيارتو ومعاه زوجتيه, وفجأة السيارة تعطلت نزل الراجل يشوف, نطقت مرتو لمثقفة وقالت: شوف بلاك الكالبيراتور؟ غارت الزوجة لخرا وقالت انا تاني لازم نهدر حاجة حتى وإن كنت مانعرفش للسيارات...وقالتلو: يا راجل شوف بلاك نسيت البارمي

3. واحد دخل للقهوة وقال للقهواجي: عندك قهوة باردة؟ يقولو: لا , زاد جاه غدوة وقالو كيما المرة اللولة ورد عليه:لا, وعاد كل يوم يقولو: عندك قهوة باردة؟ واحد النهار قال القهواجي: والله نوجّدلو قهوة باردة قبل ما يجي, ومبعد ساعة جا الزبون وقال: عندك قهوة باردة؟ قالو: نعم, قال: سخّنها وجيبهالي


4. مرة واحد يقلق مية في الساعة, دّا قماش عند الخياط وقالوا: اسمع حاب ندير قندورة تكون مليحة يعني يكون الكول مصاوب وصغير والدرعين مايكونو طوال مايكونو قصار ومن تحت توصل حتى للكعب وعندك ادّيرلي جيب مانسحقّش, ولكتاف مايكونوش عراض بزاف, وصاوبها تحت الطوابق, وأهم حاجة عندك ادّيرها محصورة انا ما نلبسش حاجة محصورة ولوكان درتها محصورة والله مانسلكك...هات لقماش هنا مانزيدش نجي عندك خلاص.

5. في ليلة كان ربعة من ليجون يتمحششوا {{{يزطلوا ]}}}ورا باطيمة{{{عمارة}}}وبعد مدة خلصلهم الكبريت, فبعتوا واحد منهم يطلب, مالا راح دار على لباطيما ولاّ ليهم بعد, قاللهم: يا جماعة ما عندكمش كبريت؟ قالوا: أقعد رانا بعتنا واحد يجيب...

6. وهادا واحد يبيع القهوة بثلاث دنانير, وكل يوم يجيه واحد ويحطلو دينار في شرق الحانوت ودينار في غرب الحانوت ودينار في الوسط ويقولو: اعطيني قهوة. وفي نهار جاب هذا الشخص قطعة تاع خمس دنانير وقالو: اعطيتي قهوة. فرح القهواجي وقال هذي فرصتي باش نردلو ما دار فيا وراح جابلو قهوة وحطلو دينار في شرق الحانوت ودينار في غرب الحانوت وقالو: هذا الصرف. وفجأة جبد الزبون دينار وحطو في النص وقالو زيدني قهوة

7. هدا واحد يهجّي الهدرة بزاف في كل مرة يروح للقهوة ويقول للقهواجي: أعطيني ققققققـ.... ومايجي يقول قهوة يغلق مول المحل ويقولو ولي غدوة,ودايما تسرالو هكّا, وفي نهار قال لازم نبدا نوجّد الكلمة في الليل وكي نوصل الصباح نقولو, وفعلا بدا في الليل يقول: ققققققققـ... وفي الصباح مع وصل للقهوة قال: قهوة أعطيني, دار ليه القهواجي وقالو: انعم خويا؟؟

8.

9. واحد قروي شاف امو حامل قالها هدا شكون قالت خوك قالها وعلاش كليتي

10. واحد عندو دراجة .كان في الطريق يرفع العجلة فاستوقفه شرطي واعطاه بروسي و كتب فيه محاولة طيران

11. مشحاح طاحت دراهمه من التاقة. كي نزل ما لقاهاش. ليش؟؟؟؟ لأنه وصل قبلها.

12.

13. وحد المعلم سقسا وحد التلميذ
قالو أعطيني شيء يتمدد بالحرارة ويتقلص بالبرودة
التلميذ قالو: العطلة يا أستاذ. في الشتاء 15 يوم وفي الصيف 3 أشهر

14. واحد كان يتفرج في وحد الفيلم تع الماريكان
كي خلاص الفيلم بدات تطلع الكتيبة
جازت وحد الكتيبة فاتو قبل ما يقراها
طلع عند جارو الي يسكن فوقو وقاعد يسنى فيها توصل

15. واحد طلع في الكار وكان لا بس سباط تع 3000 الف
وحد العجوزة عفست عليه
قاللها الحاجة نحي رجليك راكي معفسة على 3000 الف
قاتلو: وين راهم. طاحولي ليا





أتمنى أن تردو على نكتي من فضلكم فأنا جديييييييييييييييييييييد

وشكرا لكم .دمتم سالمين

باي باي
الرجوع الى أعلى الصفحة اذهب الى الأسفل
samah_alg
مشرف عام
مشرف عام
avatar

||¬ مَشَآآرَكَآتي»• : 400
||¬ تَآآريخ التَسْجِيل»• : 24/07/2010

مُساهمةموضوع: رد: نكتة جزائرية تموت من الضحك ... ها ها ها ها ها ها...........   الإثنين أغسطس 02, 2010 10:09 am

ههههههههههههههههههههههههههههههههههههههههههههههههههههههههههههه الله يسلمك الله يسلمك ويعطيييك الصحة حا جة فوووووووووووووووووووووووووور مرسي
الرجوع الى أعلى الصفحة اذهب الى الأسفل
 
نكتة جزائرية تموت من الضحك ... ها ها ها ها ها ها...........
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: ●~✿| ▐| لأقسام الترفيهية | ▐|✿~ ● :: •|¦ صـرقعه وهــبـآآآل ]››·,’-
انتقل الى: